තුලාව

  දේශපාලන වර්ණයට යටවූ වැක්සීනය සහ අහිමිවන අහිංසක ජීවිත එන්නත් මාත්‍රාව ලබා ගැනීමටත් දේශපාලනඥයාගේ ලිපියක් හෝ අනුමැතියක් අවශ්‍ය යුගයක් උදාවී තිබීම සැබවින්ම ඛේදනීයය. වසංගතයක් හමුවේ මානව ජීවිතයකට ඇති වටිනාකම මැනීමට දේශපාලන පක්ෂයක සාමාජිකත්වය නිර්ණායකයක් කරගන්නේ කෙසේද? රෝග බියට හෝ මරණයට දේශපාලන පක්ෂයක්, පැහැයක් හෝ භේදයක් නොමැත. මාරාන්තික වෛරසය කාටත් පොදු වන්නා සේම, ඊට එරෙහිව ඇති ජීවිතාරක්ෂක එන්නතද සියලු පුරවැසියන්ගේ මූලික අයිතිවාසිකමකි. එකම පක්ෂයක ගැත්තන්ට හෝ බලවතුන්ට පමණක් ජීවත්වීමේ අයිතිය සීමාකර, සෙසු ජනතාව මරණයට තල්ලු කර දැමීම නාගරික ප්‍රජාතන්ත්‍රවාදී සමාජයකට කිසිසේත්ම නොගැලපේ. බලධාරීන් වහා තේරුම් ගත යුත්තේ එන්නත යනු දේශපාලන ඡන්ද ගුණඩුවක් හෝ පාක්ෂිකයන්ට බෙදාදෙන තෑග්ගක් නොවන බවයි. එය සමස්ත ජාතියේම ජීවිතාරක්ෂක පවුරයි. වගකිවයුතු රාජ්‍යයක වගකීම විය යුත්තේ පක්ෂ පාට පසෙකලා, පෝලිම් සහ නිර්දේශ පත්‍රිකා නැතිව සෑම පුරවැසියෙකුටම සාධාරණව එන්නත ලබාදීමේ ක්‍රමවේදයක් සකස් කිරීමයි. අපට අවශ්‍ය කරන්නේ දේශපාලන හිතවත්කම් මත බෙදෙන එන්නත් මාත්‍රාවක් නොව, සියලු වැසියන්ගේ ජීවිත සුරකින සාධාරණ සෞඛ්‍ය පද්ධතියකි...

  දේශපාලන භක්තිය සහ පන්ති යථාර්ථය: ස්ටිකරයෙන් වසා දැමිය නොහැකි ජීවිතයේ අභියෝගය ඡායාරූපයෙන් පෙනෙන මෙම දසුන වර්තමාන ශ්‍රී ලාංකේය සමාජයේ පවතින ගැඹුරු සහ සංකීර්ණ දේශපාලන මානසිකත්වය මොනවට පැහැදිලි කරයි. තමන් දිනපතා ජීවිතය ගැටගසා ගැනීමට දැඩි වෙහෙසක් දරන, පරණ යතුරුපැදියක් පදවන අහිංසක සාමාන්‍ය පුරවැසියෙකු සිය වාහනය පුරා දේශපාලන නායකයන්ගේ (මහින්ද රාජපක්ෂ මහතාගේ) ස්ටිකර් අලවාගෙන සිටින අයුරුය . මේ ඡයාරූපය තුළින් මතුවන ප්‍රධාන පාඩම් සහ යථාර්ථයන් කිහිපයකි: අන්ධ භක්තිය සහ දේශපාලන රැවටීම: තමන් මුහුණ දෙන අතිශය දුෂ්කර ආර්ථික පීඩනය සහ දෛනික ජීවන අරගලය හමුවේ වුවද, රටේ මෙතෙක් පැවැති දේශපාලන පන්තිය කෙරෙහි ඇති නොසැලෙන භක්තිය ඉවත් වී නැත . පන්ති ප්‍රතිමුඛතාව: තමන්ගේ නායකයා ලෙස අදහන පුද්ගලයන් සැපපහසු ජීවිත ගත කරද්දී, ඔවුන් වෙනුවෙන් පෙනී සිටින සාමාන්‍ය ජනතාව තවමත් පාරේ අතිශය අමාරුවෙන් ජීවිතය ගැටගසා ගැනීමට අරගල කරති . සමකාලීන සමාජ මානසිකත්වය: රටේ ආර්ථිකය කඩා වැටීමට වගකිවයුතු ක්‍රමවේදයන් සහ නායකත්වයන්ට තවමත් චන්දය සහ මානසික පක්ෂපාතීත්වය නොඅඩුව ලැබීම, අප තවමත් ඉන් මිදී නොමැති බවට කදිම නිදසුනකි . ...

  තරු පායපු නිල් අහසට තරු පායපු නිල් අහසට සවන්යොමා ගෙන ඉඳිද්දී

  නීතියේ රැකවලුන්ද? දේශපාලනයේ බූදලයක්ද? – ශ්‍රී ලංකා පොලිසිය අලුතින් ලියන්නට කාලය යටයි! රටේ නීතිය හා සාමය රැකිය යුතු පොලිස් දෙපාර්තමේන්තුවේ පරිහානිය දෙස බල බලා සුසුම් හෙලූ වාර ගණන අනන්තය. ජනතාවගේ බදු මුදලින් යැපෙමින්, ජනතාවගේ ආරක්ෂකයා විය යුතු පොලිස් නිලධාරියා, අද බොහෝ දෙනෙකුගේ නෙතට පෙනෙන්නේ භීතියේ සහ දූෂණයේ සංකේතයක් ලෙසයි. පුවත්පත් පිටු අතර සිරවුණු පුවත් දෙස මොහොතක් බලන්න. අල්ලස් කොමිසමට කොටුවන උසස් පොලිස් නිලධාරීන්, පස් ජාවාරම්කරුවන්ගෙන් සහ ගංජා හේන් හිමියන්ගෙන් මාසික කප්පම් ගන්නා නිලධාරීන් ගැන වාර්තා දිනපතාම වාගේ පුවත්පත්වල මුල් පිටු සරසයි. නමුත් ඊටත් වඩා භයානක සංස්කෘතියක් මේ පද්ධතිය තුළ මුල් බැස තිබේ. ඒ දේශපාලන ගැතිභාවයයි. අධිකරණයෙන් මිනීමැරුම් චෝදනාවලට වරදකරු වූ දුමින්ද සිල්වා වැන්නන් බන්ධනාගාරයේ සිට එළියට එද්දී, නීතිය ක්‍රියාත්මක කළ යුතු ඇතැම් නිලධාරීන් ඔහුට ආචාර (Salute) කළ පුවත අපේ නීතියේ ආධිපත්‍යයට එල්ල කළ මාරාන්තික පහරක් නොවන්නේද? එමෙන්ම, පසුගිය පාලන සමයන්හිදී හිටපු ආරක්ෂක ලේකම් ගෝඨාභය රාජපක්ෂගේ වුවමනාවට, විමල් වීරවංශලා කොටුවේදී කළ උද්ඝෝෂණ සඳහා පොලිස් බලතල නමමින්, දේශපාලන...

                                          අපායත් දෙව්ලොවත් අතර දුර කිලෝමීටර් කිහිපයක් පමණි. එක් පසෙක කසළ බඳුනට වැටෙන කෑම ... තවත් පසෙක කුසගින්නේ මියයන ජීවිත : මනුෂ්‍යත්වයට අභියෝග කරන ලෝකයේ අසමානතාව අවුරුදු තිහකට වැඩි කාලයක් ජාත්‍යන්තර පුවත් සහ ලෝක තත්ත්වයන් දෙස බලා සිටි මට , අද වන විටත් විසඳාගත නොහැකි වූ ලොකුම අභියෝගය වන්නේ මේ ලෝකයේ පවතින අසාධාරණ අසමානතාවයි . ලෝකයේ එක් පසෙක සුපිරි වෙළඳසැල්වල සහ සුඛෝපභෝගී හෝටල්වල ඉතිරි වන ආහාර ටොන් ගණනින් කසළ බඳුන්වලට විසි කෙරේ . තවත් පසෙක නයිජීරියාව , පලස්තීනය , සුඩානය , සෝමාලියාව , දකුණු සුඩානය සහ යේමනය වැනි රටවල අහිංසක මිනිසුන් , කුඩා දරුවන් දින ගණන් නිරාහාරව සිට කුසගින්නේම අවසන් සුසුම් හෙළති . මෙය දකින ඕනෑම සංවේදී හදවතකට ඇති වන්නේ දැඩි වේදනාවකි ; මනුෂ්‍යත්වය පිළිබඳ දැඩි කලකිරීමකි . ආහාර නාස්තිය යනු හුදෙක් මුදල් නාස්තියක් පමණක් නොවේ . එය ...

  පොඩි උන්ගේ ආදරේ ... කවදාවත් නොමැකෙන නිමල මතක සටහනක් කුඩා ළමයෙක් තමන් ආදරය කරන ගැහැණු ළමයාට ලියපු මේ පුංචි කොළ කෑල්ල දැක්කම අමුතුම හැගීමක් හිතට ආවා . "Don't let anyone see this" ( කාටවත්ම පෙන්වන්න එපා ) කියලා උඩින්ම ලියලා , පහළින් තමන්ගේ අහිංසක හදවතේ තියෙන බිය , ආදරය , සහ බලාපොරොත්තුව වචන කිහිපයකට කැටි කරපු ඒ පුංචි ලියුම ... " ඉස්කෝලේ ඉවර වුණු ගමන් මාව හමුවෙලා ඔයාගේ තීරණය කියන්න " කියලා කොරිඩෝවේ කෙළවරක බලාගෙන ඉන්න දරුවෙකුගේ ඒ නොඉවසිලිමත්කම කොච්චර නම් සුන්දරද ! කුඩා කාලයේ ඇතිවන ආදරය සමහරවිට වැඩිහිටියන්ගේ ආදරය වගේ ගැඹුරු නැති වෙන්න පුළුවන් . ඒත් , ඒ ආදරයේ තියෙන නිමල බව (Purity) , කිසිම කපටිකමක් , වාසියක් හෝ වංචාවක් නැති ඒ පිරිසිදුකම වෙන කිසිම තැනක අපට ආයේ හමු වන්නේ නැහැ . අපේ ජීවිතවලත් කාලය ගලාගෙන යද්දී අපි වැඩිහිටියන් වෙනවා . සමහරු තමන් හදවතින්ම ආදරය කරපු කෙනාව තමන්ගේ ජීවිත සහකාරයා කරගන්නවා . තවත් සමහරුන්ට ඒ ආදරය අහිමි වෙලා යනවා . නමුත් , ජීවිතයේ ...

  කාලය අපේ ලස්සන හිත් සොරාගෙන ඇත්තේය.  නමුත් පැමිණිලි කරන්නට කිසිවකු නැත.

 

  කරුණාරත්න අබේසේකර, රම්‍යා වනිගසේකර, ප්‍රේමකීර්ති ද අල්විස්, හේම නලින් කරුණාරත්නගේ සිට කිංග්ස්ලි රත්නායක  දක්වා විහිදගිය මාධ්‍ය පරම්පරාවක් අපට තිබුණි.

  සංකේතයට සීමාවූ බොහෝ දේ අපවිසින් නිර්මාණය කරගතයුතුව ඇත

  මේ ප්‍රවෘත්තිය දුටුවිගස තමන්ගේ කාලය, ශ්‍රමය වැය කර දුප්පත් ගැමියන්ට ප්‍රතිකාර කරන “ඉසිවර අසපුව” ටෙලිනාට්‍යයේ වෛද්‍යවරයාගේ රුව මතකයට නැගුණි. සමහර වෘත්තීන් වලට දක්ෂතාවය,හැකියාවට වඩා මානුෂිකත්වය ආභරණයක් වේ.

  ඔබට ඉතා කුඩා යමක්  ඔබගෙන් සමාජයට කල හැකිනම්, එය නොපිරිහෙලා ඉටු කරන්න. නානාප්‍රකාර ප්‍රශ්ණ වලින් හෙම්බත්වී බස් රථයකට ගොඩවන මිනිසුන්ගේ හිත් නිවීමම ඔබකරන සේවයකි.

  ඉටු කළ යුතු යුතුකම්  ලැබුණත් ලෝකෙන් ගැරහුම් ඉවසන්නට පුලුවන්නම්  නුඹයි මගේ පුතා උතුම්